ഇന്ത്യൻ പ്രീമിയർ ലീഗിൽ കൊൽക്കത്ത നൈറ്റ് റൈഡേഴ്സിനെ തകർത്ത് സീസണിലെ മൂന്നാം വിജയം സ്വന്തമാക്കിയിരിക്കുകയാണ് ഗുജറാത്ത് ടൈറ്റൻസ്. അഹമ്മദാബാദ് നരേന്ദ്ര മോദി സ്റ്റേഡിയത്തിൽ നടന്ന മത്സരത്തിൽ അഞ്ച് വിക്കറ്റ് വിജയമാണ് ശുഭ്മൻ ഗില്ലും സംഘവും സ്വന്തമാക്കിയത്. കൊൽക്കത്ത ഉയർത്തിയ 181 റണ്സ് വിജയലക്ഷ്യത്തിലേക്ക് 19.4 ഓവറിൽ അഞ്ച് വിക്കറ്റുകൾ ബാക്കിനിൽക്കെ ഗുജറാത്ത് എത്തി. ആറ് പോയിന്റുള്ള ഗുജറാത്ത് പോയിന്റ് പട്ടികയിൽ നാലാം സ്ഥാനത്താണ്.
ക്യാപ്റ്റന് ശുഭ്മന് ഗില്ലിന്റെ തകര്പ്പന് പ്രകടനത്തിന്റെ കരുത്തിലാണ് ഗുജറാത്ത് വിജയിച്ചുകയറിയത്. 50 പന്തില് 86 റണ്സ് നേടിയാണ് ഗില് ഗുജറാത്തിന്റെ വിജയശില്പിയായത്. എട്ട് ഫോറുകളും നാല് സിക്സുകളും അടങ്ങുന്നതാണ് ഗുജറാത്ത് ക്യാപ്റ്റന്റെ ഇന്നിങ്സ്. ഈ സീസണിലെ ഗില്ലിന്റെ മൂന്നാം അർധ സെഞ്ച്വറിയാണിത്.
Jach rahi hai aap pe, Skipper 😎 pic.twitter.com/t02T8twEnk
മാച്ച് വിന്നിങ് ഇന്നിങ്സിന് പിന്നാലെ സീസണിലെ ഓറഞ്ച് ക്യാപ്പും കൈപ്പിടിയിലൊതുക്കിയിരിക്കുകയാണ് ഗുജറാത്ത് നായകൻ ഗിൽ. സീസണിൽ 251 റണ്സുമായാണ് ഗില് ഓറഞ്ച് ക്യാപ്പ് കൈപ്പിടിയിലാക്കിയത്. റൺവേട്ടക്കാരനുള്ള പോരാട്ടത്തിൽ ആർസിബിയുടെ സൂപ്പർ താരം വിരാട് കോഹ്ലിയെയാണ് ഗിൽ മറികടന്നത്. സീസണിൽ ഇതുവരെ 228 റൺസുള്ള കോഹ്ലിയെക്കാൾ 23 റൺസ് മുന്നിലാണ് ശുഭ്മൻ ഗിൽ.
Content Highlights: Shubman Gill goes past Virat Kohli to lead IPL 2026 Orange Cap race